Friday , March 24 2017
Home / Doctors answer / രതിമൂര്‍ച്‌ഛയിലെത്താന്‍

രതിമൂര്‍ച്‌ഛയിലെത്താന്‍

എനിക്ക്‌ വയസ്‌ 29. വിവാഹിതനാണ്‌. ലൈംഗികബന്ധത്തെത്തുടര്‍ന്ന്‌ രതിമൂര്‍ച്‌ഛയിലെത്താന്‍ അധികസമയം വേണ്ടിവരുന്നു എന്നതാണ്‌ എന്റെ പ്രശ്‌നം. കുറഞ്ഞത്‌ നാല്‍പ്പത്തഞ്ച്‌ മിനിട്ട്‌ എങ്കിലും സമയം വേണ്ടിവരുന്നു. ഇതുമൂലം ലൈംഗികബന്ധം ഞങ്ങള്‍ക്ക്‌ ഇരുവര്‍ക്കും വേദനാജനകമാണ്‌. ലൈംഗികവികാരം ഉണ്ടാകുന്നുണ്ട്‌. ഭാര്യയോട്‌ താല്‍പര്യമില്ലാത്തതുകൊണ്ടാണ്‌ ഇങ്ങനെ സംഭവിക്കുന്നതെന്നാണ്‌ അവളുടെ പരാതി. ഇതേച്ചൊല്ലി മിക്കപ്പോഴും വഴക്ക്‌ ഉണ്ടാകാറുണ്ട്‌. രതിമൂര്‍ച്‌ഛയിലെത്താനുള്ള ശരിയായ സമയം എത്രയാണ്‌. എന്തുകൊണ്ടാണ്‌ എനിക്ക്‌ ഇങ്ങനെ സംഭവിക്കുന്നത്‌?

ലൈംഗികബന്ധത്തിന്റെ മൂന്നാമത്തെ ഘട്ടമാണ്‌ ലിംഗം യോനിയില്‍ പ്രവേശിപ്പിച്ച്‌ ശുക്‌ളം പുറത്തുപോയി രതിമൂര്‍ച്‌ഛ അനുഭവിക്കുന്നതുവരെയുള്ള വേഴ്‌ചയുടെ സമയം. സാധാരണഗതിയില്‍ ഏതാനും മിനിട്ടുകള്‍ മാത്രമാണ്‌ ഈ ഘട്ടം നീണ്ടുനില്‍ക്കുന്നത്‌. ലൈംഗിക ഉത്തേജനത്തിന്റെ തോതും മറ്റ്‌ ബാഹ്യമായ സാഹചര്യങ്ങളും അനുസരിച്ച്‌ ഈ ഘട്ടത്തിന്റെ ദൈര്‍ഘ്യം ഒരേ വ്യക്‌തിയില്‍ തന്നെ പല അവസരങ്ങളിലും വ്യത്യസ്‌തമായിരിക്കും.
വേഴ്‌ചാഘട്ടത്തിന്റെ തുടക്കത്തില്‍ തന്നെ ശുക്‌ളം പുറത്തുപോകുന്ന ശീഘ്രസ്‌ഖലനമാണ്‌ സാധാരണയായി കണ്ടുവരുന്ന പ്രശ്‌നം. ഇതിന്റെ വിപരീതമായ താമസിച്ചുള്ള സ്‌ഖലനവും ചുരുക്കമായി ചിലരില്‍ കണ്ടുവരാറുണ്ട്‌. ഇത്തരം ഒരു പ്രശ്‌നമാണ്‌ കത്തിലെ വിവരണം സൂചിപ്പിക്കുന്നത്‌. ചിലതരം മരുന്നുകള്‍ ഉദാഹരണം. വിഷാദരോഗം, പ്രമേഹം, ചില മാനസിക പ്രശ്‌നങ്ങള്‍ എന്നിവ ഇതിന്‌ കാരണമായേക്കാം.
ലൈംഗികബന്ധത്തിന്റെ ആദ്യത്തെ രണ്ടു ഘട്ടങ്ങളില്‍കൂടി ആസ്വാദ്യകരമായി കടന്നുപോകുവാന്‍ കഴിയുന്നുണ്ടോ എന്നു ഇത്തരം കേസുകളില്‍ പരിശോധിക്കേണ്ടതുണ്ട്‌.
ആവശ്യത്തിനുള്ള രതിപൂര്‍വലീലകള്‍ ഇല്ലാതെ വരുന്നത്‌ ഇത്തരം സന്ദര്‍ഭങ്ങളില്‍ സാധാരണയാണ്‌. പ്രശ്‌നപരിഹാരത്തിനായി ഒരു മാനസികാരോഗ്യ വിദഗ്‌ധനെയോ, ലൈംഗികാരോഗ്യ വിദഗ്‌ധനെയോ സമീപിക്കുമ്പോള്‍ ഭാര്യാഭര്‍ത്താക്കന്മാര്‍ ഒരുമിച്ച്‌ പോകുന്നതായിരിക്കും അഭികാമ്യം. അല്‌പം ലൈംഗിക വിദ്യാഭ്യാസവും ഇവിടെ ആവശ്യമായി വന്നേക്കാം എന്നതാണ്‌ കാരണം.

Leave a Reply

Your email address will not be published. Required fields are marked *